″Շեյլոկ″-ը` Անջեյ Ժուրովսկու մշակմամբ

Ապրիլի 10-ին Պատանի հանդիսատեսի թատրոնում Վ. Փափազյանի անվան շեքսպիրյան միջազգային թատերական 9-րդ փառատոնի շրջանակներում կներկայացվի Անջեյ Ժուրովսկու մշակմամբ «Շեյլոկ» սցենարի հիման վրա՝ Վարշավայի թատերական ակադեմիայում ստեղծված համանուն լեհական ներկայացումը /գլխավոր դերակատար Պյոտոր Կոնդրատի/. yerkir.am-ին տեղեկացրին փառատոնի մամլո ծառայությւոնից:

Այս տարի փառատոնը նվիրվում է վերջերս կյանքից հեռացած ռուսաստանցի շեքսպիրագետ Անջեյ Ժուրովսկուն, այդ իսկ պատճառով փառատոնի շրջանակներում Հայաստան է ժամանել նաև Ժուրովսկու այրին` Մալգորզատա Ալինա Ժուրովսկան:

Փառատոնի փակումը տեղի կունենա ապրիլի 13-ին. Շեքսպիրի մի քանի ստեղծագործությունների հիման վրա ստեղծված ներկայացմամբ հանդես կգա աշխարհի ամենահեղինակավոր` Ռումինիայի Կրայովայի Շեքսպիրյան փառատոնի տնօրեն, միջազգային մեծ հեղինակություն վայելող թատերական գործիչ Էմիլ Բորոգինան` «Շեքսպիրին ընթերցելիս» ներկայացմամբ: