Մասկը կզբաղվի մարդու մտքերը «կարդացող» տեխնոլոգիաների մշակմամբ

«SpaceX»-ի և «Tesla Motors»-ի հիմնադիր Իլոն Մասկը ստեղծել է նոր Neuralink ընկերությունը, որը կզբաղվի այնպիսի տեխնոլոգիաների մշակմամբ, որոնք թույլ կտան «կարդալ» տվյալները մարդու ուղեղից և գրանցել դրանք թվային կրիչների վրա:

Ընկերությունը մշակում է «նեյրոնային ժանյակների» տեխնոլոգիա, որը ենթադրում է էլեկտրոդների իմպլանտացիա ուղեղի մեջ: Այդպիսով, մարդիկ կկարողանան բեռնել իրենց մտքերը համակարգչի մեջ և ներբեռնել սեփական մտքերը համակարգչից, գրում է «Lenta.ru»-ն` «The Wall Street Journal»-ի վրա հղումով:

Neuralink ընկերության հիմնադիրները նաև հուսով են, որ հեռանկարում այդ մեթոդը թույլ կտա բուժել որոշ հիվանդություններ, այդ թվում էպիլեպսիան և կաթվածը:

Neuralink ընկերությունը, որը գրանցվել է 2016-ի հունիսին, սկսել է աշխատակիցներ ընդունել: Ընկերության համահիմնադիրն է ամերիկացի ձեռնարկատեր Մաքս Խոդակը: Ըստ նրա, այժմ նախագիծը սկզբնական փուլում է:

Մասկը թունել է փորում իր գրասենյակից մինչև Լոս Անջելեսի օդանավակայան: Նա խոստովանել է, որ սկսել է այդ գործընթացը, քանի որ նրան շատ են նյարդայնացնում արագ երթևեկությունն ու խցանումները քաղաքում:

Մասկի SpaceX ընկերությունը տիեզերանավեր է արտադրում, իսկ Tesla Motors-ը՝ էլեկտրամոբիլներ: