Բաքվում կանցկացվի հանրահավաք` Ալիեւի հրաժարականի պահանջով

Այսօր Բաքվում` Նարդարան ավանում անցկացվելու է հանրահավաք` Ադրբեջանի նախագահ Իլհամ Ալիեւի հրաժարականի պահանջով. տեղեկացնում է Regnum գործակալությունը:

Ապրիլի 1-ին նույն ավանում հանրահավաք է կազմակերպվել` ի պաշտպանություն աստվածաբան հաջի Թալեհ Բաղիրովի, որի ժամանակ ցուցարարներն իշխանություններին մինչեւ ապրիլի 5-ը ժամանակ են տվել` աստվածաբանին ազատելու համար, հակառակ դեպքում` խոստացել են հանրահավաքներ անցկացնել երկրի նախագահի հրաժարականի պահանջով:

Բաղիրովը ձերբակալվել է մարտի 31-ին: Նրան մեղադրում են թմրանյութ պահելու եւ իրացնելու մեջ:  Աստվածաբանին սպառնում է մինչեւ 3 տարվա ազատազրկում: Ձերբակալված է նաեւ Բաղիրովի վարորդը` զենք եւ զինամթերք պահելու մեղադրանքով: