Շվեդիայի դատարանի անաչառությունը կասկածի տակ է դրվում

Շվեդիայի գերագույն դատարանի դատավոր Ստեֆան Լինդսկոգը կարծում է, որ Ջուլիան Ասանժին Մեծ Բրիտանիայից արտահանձնելու դեպքում, հավանական է, որ Ստոկհոլմը ամերիկյան իրավապահ մարմիններին կհանձնի  Wikileaks-ի հիմնադրին:

«Բոլորովին պարտադիր չէ, որ պետությունը կամ դրա ճյուղերից մեկը միշտ ճիշտ քայլեր կատարեն»,- հայտարարել է նա:

Վերլուծաբանները քննադատորեն են մոտեցել այս հայտարարությանը, որն արվել է քննության փուլում գտնվող գործի վերաբերյալ: Նրանք նշում են նաև, որ այս հայտարարությունից հետո շվեդական դատարանի անաչառությունը կասկածի տակ է դրվում:

Փորձագետները նշում են, որ վերջին շրջանում Շվեդիայի իշխանությունը  Էկվադորից  ակտիվորեն պահանջում է Ասանժի արտահանձնումը: Իսկ Ասանժն արդեն տասն ամիս է, ինչ թաքնվում է Լոնդոնում Էկվադորի դիվանագիտական առաքելությանը հատկացված շենքում: Հարավամերիկացիները նրան քաղաքական ապաստան են տվել: