Ադրբեջանում փորձում են լռեցնել երիտասարդների ձայնը

Human Rights Watch միջազգային իրավապաշտպան կազմակերպությունը դարձյալ հանդես է եկել կոչով` այս անգամ Ադրբեջանի իշխանություններից պահանջելով անհապաղ ազատ արձակել NİDA կազմակերպության 7 ակտիվիստներին, որոնք ձերբակալվել են մարտի 10-ին Բաքվում բողոքի ակցիա կազմակերպելու համար. տեղեկացնում է Contact.az-ը:

Human Rights Watch-ի ներկայացուցիչ Ռեյչըլ Դենբերը հայտարարել է, որ իշխանությունները փորձում են լռեցնել  երիտասարդների բողոքի ձայնը` այդ կերպ վախեցնելով մյուս ցուցարարներին:

Human  Rights Watch-ը նշում է, որ NİDA-ի անդամներին ձերբակալելիս խախտվել են նրանց իրավունքները, եւ կոչ է անում անհապաղ ազատ արձակել երիտասարդներին: