Աֆղանցի դեռահասը սպանել է ամերիկացի զինծառայողի

ԱՄՆ բանակի սերժանտ Մայքլ Քեյբլը դեռահասի հարձակման զոհ է դարձել Աֆղանստանի Նանգարհար  նահանգում. ըստ Интерфакс-ի` երեկ հաղորդել են տեղի իշխանությունները:

Դեպքը տեղի է ունեցել աֆղանական ոստիկանության նորակոչիկների երդման արարողության ժամանակ, որին ներկա են եղել նաեւ ամերիկացիներ: 26-ամյա Քեյբլը փոքր-ինչ հեռու խաղալիս է եղել տեղի երեխաների հետ, երբ նրա վրա է հարձակվել մոտ 16 տարեկան մի պատանի ու դանակով հարվածել նրա կոկորդին: Պաշտոնական տեղեկություններով` պատանին փախել է Պակիստան:

«Թալիբան» արմատական շարժման ներկայացուցիչ Զաբիուլա Մոջահեդը հայտարարել է, որ հարձակվողը գործել է ինքնուրույն, սակայն միացել է իրենց հանցագործության վայրից փախչելուց հետո: