ՊԵԿ նախագահի նոր ձեռքբերումը. ''Ժամանակ''

«Ժամանակի» տեղեկություններով՝ Աբովյան փողոցում Մետրոյի «Երիտասարդական» կայարանի հարեւանությամբ գտնվող հսկա գետնանցումը տրվել է Պետեկամուտների կոմիտեի նախագահ Գագիկ Խաչատրյանին:

Թերթը հիշեցնում է, որ այդ անցումից վերջերս հանեցին գրավաճառներին: Գործընթաց, որն ավելի վաղ էր սկսվել՝ մոտ մեկ տարի առաջ, բայց վարձակալներին հաջողվեց այն մի փոքր հետաձգել: Անցումում կա նաեւ հսկա տարածություն, նշում է թերթը, որտեղ խորհրդային տարիներից ի վեր բազմաթիվ խանութներ կան:

«Ժամանակի» տեղեկություններով՝ Գ. Խաչատրյանին հենց այդ տարածքն է անհրաժեշտ, որտեղ ՊԵԿ նախագահը ցանկանում է վերանորոգումից հետո հսկա խանութ բացել: Չի բացառվում, սակայն, որ վերանորոգի եւ վարձակալության տա:

Քաղաքապետ Տարոն Մարգարյանը հայտարարել էր, նշում է թերթը, որ գրավաճառները անցումը վերանորոգելուց հետո կարող են վերադառնալ եւ շարունակել իրենց գործունեությունը: Նրանց հավանաբար նորից կտրվեն անցումի հենց անցումային եւ ոչ թե առեւտրային հատվածները: