Հանրային խորհուրդը՝ ամենուր

Այսօր տեղի կունենա Վազգեն Մանուկյանի Հանրային խորհրդի նիստ: «Հանրային խորհրդի մասին» օրենքը մայիսին կներկայացվի խորհրդարան: Նախորդ ուրբաթ տեղի ունեցած նիստի ժամանակ, որին, բացի Վիկտոր Դալլաքյանից, մասնակցել են նաեւ նախաձեռնող խմբի անդամներ Խոսրով Հարությունյանը, Վլադիմիր Մովսիսյանը, Արշակ Սադոյանը, վերջնական որոշում է կայացվել' ոլորտը կարգավորել ոչ թե նախագահի հրամանագրով, այլ' օրենքով, որով նախատեսվելու է նաեւ մարզերում համանման կառույցներ ստեղծել, ինչպես նաեւ ապահովել Սփյուռքի ներկայացվածությունը ՀԽ-ում: Չի բացառվում, որ ոչ միայն ԱԺ նիստին,  հանձնաժողովներին, կառավարության նիստերի աշխատանքներին մասնակցության հարցը լուծվի, այլեւ ելույթի հնարավորության դրույթը: Այսինքն՝ ՀԽ լիազորությունները խիստ կմեծանան: Այս մասին գրում է «Հրապարակ»-ը: