ՃՏՊ` Ուջան գյուղի մոտակայքում

Մարտի 20-ին` ժամը 17.28-ին  տեղեկատվություն է  ստացվել, որ Արագածոտնի մարզի Ուջան գյուղի մոտակայքում տեղի է ունեցել ՃՏՊ:

Դեպքի վայր է մեկնել մեկ մարտական հաշվարկ: Դեպքի մասին տեղյակ են պահվել Աշտարակ քաղաքի «1-02» և «1-03» ծառայությունների հերթապահները:

Տեղում պարզվել է, որ դեռևս չբացահայտված հանգամանքներում Աշտարակ-Ուջան ավտոճանապարհի 13-րդ կմ-ում բախվել են «Նիվա» մակնիշի 55 ՕՕ 880 պետհամարանիշով և «Օպել Վեկտրա» մակնիշի 34 LP 679 պետհամարնիշով ավտոմեքենաները, ինչի հետևանքով «Նիվա» մակնիշի ավտոմեքենայի վարորդ`1983 թ. ծնված Սլավիկ Մարտիրոսյանը ստացել է թեթև մարմնական վնասվածքներ և հրաժարվել է տեղափոխվել հիվանդանոց: Այս մասին տեղեկացնում է ՀՀ ԱԻ նախարարությունը: