Բացահայտվել է ԱՄՆ-ում նկարների ամենախոշոր գողությունը

Հետաքննությունների դաշնային բյուրոն բացահայտել է երկրի պատմության մեջ նկարների ամենախոշոր գողությունը, որը կատարվել էր 23 տարի առաջ: Հանցագործները, որոնց անունները չեն նշվում, առեւանգել էին արվեստի 13 գործ` ընդհանուր` 500 մլն դոլար արժողությամբ:

Հետաքննությամբ պարզվել է, որ երկու հանցագործ` ոստիկանի համազգեստով, մտել են պատկերասրահ եւ կապկպել պահակներին: Պատկերասրահի դահլիճներում նրանք անցակցրել են 1,5 ժամ` ընտրելով նկարները, որոնք միացված չեն եղել ազդանշանային համակարգին: Դրանց թվում են եղել Ռեմբրանդտի, Դեգայի, Մոնեի եւ Վերմեերի կտավները:

Գողությունից հետո նկարներն անմիջապես տեղափոխել են այլ նահանգ եւ վաճառքի հանել 20 տարի անց: Ներկայումս նկարները կարող են գտնվել մարդկանց մոտ, ովքեր չեն էլ կասկածում, որ դրանք ժամանակին գողացված են եղել: