Փոխարժեքներ 06 02 2026
USD	⚊	$ 377.7
EUR	⚊	€ 445.38
RUB	⚊	₽ 4.9058
GBP	⚊	£ 512.84
GEL	⚊	₾ 140.39

Փոխարժեքներ 06 02 2026

USD

⚊

$ 377.7

EUR

⚊

€ 445.38

RUB

⚊

₽ 4.9058

GBP

⚊

£ 512.84

GEL

⚊

₾ 140.39

0 դիտում,

6 տարի առաջ - 2019-09-26 10:53

Աշխարհ

ԵԱՀԿ Մինսկի խմբի համանախագահները կայցելեն Հայաստան և Ադրբեջան. ՄԽ

ԵԱՀԿ Մինսկի խմբի համանախագահները՝ ՌԴ ներկայացուցիչ Իգոր Պոպովը, Ֆրանսիայի ներկայացուցիչ Ստեֆան Վիսկոնտին և ԱՄՆ ներկայացուցիչ Էնդրյու Շոֆերը, առաջիկայում կայցելեն Հայաստան և Ադրբեջան: Այս մասին ասվում է սեպտեմբերի 25-ին ԵԱՀԿ ՄԽ համանախագահների տարածած հաղորդագրությանում:

Նշվում է՝ ԵԱՀԿ Մինսկի խմբի համանախագահները ՄԱԿ-ի Գլխավոր ասամբլեայի 74-րդ նստաշրջանի շրջանակում միասնական և անհատական հանդիպումներ են ունեցել ՀՀ արտգործնախարար Զոհրաբ Մնացականյանի և Ադրբեջանի արտգործնախարար Էլմար Մամեդյարովի հետ:

Համանախագահներին հանդիպման ընթացքում միացել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը:

Հավելվում է, որ համանախագահները երկու երկրների նախարարներին տեղեկացրել են հունիսին Վաշինգտոնում ունեցած միասնական հանդիպումից հետո իրենց գործունեության մասին, ներառյալ՝ վերջերս Փարիզում և Ժնևում ունեցած խորհրդակցությունները Լեռնային Ղարաբաղի հակամարտության վերաբերյալ:

Համանախագահները անդրադարձ են կատարել նաև ամառվա ամիսների ընթացքում բռնությունների գործադրման նվազմանն ուղղված՝ կողմերի ջանքերի դրական արդյունքներին` ափսոսանք հայտնելով վերջին դժբախտ պատահարի առնչությամբ: Համանախագահներն ու նախարարները քննարկել են լարվածության թուլացմանն ուղղված լրացուցիչ միջոցառումների կիրառման հնարավորությունը, ինչպես նաև առավել առարկայական քննարկումների համար նպաստավոր մթնոլորտի պահպանման անհրաժեշտությունը: