Դատավորը հրաժարվել է աշխատանքից կատարած անօրինականությունների պատճառո՞վ

ՀՀ վերաքննիչ քաղաքացիական դատարանի դատավոր Տիգրան Սահակյանը աշխատանքից ազատվելու դիմում է գրել: Թե ինչո՞ւ է դեռևս թոշակի տարիքի չհասած` 50-ամյա Տիգրան Սահակյանը հրաժարվում պաշտոնից, դեռևս անհայտ է:

Սակայն Panorama.am-ի համաձայն` լուրեր են պտտվում, թե  Սահակյանի հրաժարականի պատճառը նրա` ոչ օրինական դատական ակտերի չափազանց մեծ քանակն է: Նաեւ` նրա գործերը դատարանում արդեն մի քանի ամիս է, ինչ վատ են, և դատարանում ենթադրում են, որ Սահակյանը հրաժարականի դիմում է գրել, որպեսզի նրան չազատեն աշխատանքից, ու ինքը կարողանա թոշակ ստանալ:

Տիգրան Սահակյանը 1996-1999 թվականներին աշխատել է Խորհրդային տարածքի Ժողդատարանի դատավոր։ 1999-2000 թվականներին աշխատել է ՀՀ քրեական և զինվորական գործերով վերաքննիչ դատարանում՝ որպես դատավոր, իսկ 2000 թվականից առ այսօր` ՀՀ վերաքննիչ քաղաքացիական դատարանի դատավոր։