Որդեսպանը. ''Հայկական ժամանակ''

Երեկ հայտնի դարձավ սարսափազդու և արտառոց մի դեպքի մասին. մայրը սպանել է իր նորածնին` ծննդատանը: 27-ամյա Վ.Ա.-ն մարտի 10-ի ուշ երեկոյան ծննդաբերել է Աբովյանի ծննդատանը: Նա լույս աշխարհ է բերել առողջ տղա երեխա: Հաջորդ օրը բժիշկները երեխային մահացած են գտել:

Ավելի ուշ պարզվել է , որ նրա մահվան պատճառը մայրն է :Վ. Ա-ն խոստովանել է իր հանցանքը` հայտարարելով, թե չի ցանկացել իր երեխայի ծնունդը, իսկ հղիության մասին ուշ է իմացել: Ոստիկանությունում նա պատմել է, որ ծածկոցով փակել է երեխայի բերանը, գլխից բռնած հարվածել պահարանին, դեմքով խփել հատակին:

Նորածնի մահված փաստի առթիվ հարուցվել է քրեական գործ` ՀՀ քր.օր-ի 106-րդ հոդվածի հատկանիշներով (Մոր կողմից նորածին երեխայի սպանությունը): Երեխայի դիակի նկատմամբ նշանակվել է դատաբժշկական փորձաքննություն: Սպանվածը Վ.Ա-ի 3-րդ երեխան էր:

Ըստ որոշ տեղեկությունների` կինը բաժանված է ամուսնուց, իսկ նրանց 8 և 13-ամյա երեխաները գտնվում են հոր խնամքի տակ: