Ռուբեն Հակոբյանը ոչ ոքի թուրք չի անվանել

Գեղարքունիքի մարզում հանրահավաքներ անցկացնելու ժամանակ արդեն Վարդենիսի առաջին կանգառից Րաֆֆի Հովհաննիսյանը, Ռուբեն Հակոբյանը եւ այլոք արդեն հասկացել են, որ ամբողջությամբ ռեպրեսիվ մեխանիզմ է օգտագործվել, մարդկանց թույլ չեն տալիս դուրս գալ հրապարակ եւ իրենց. Ազատության հրապարակում այսօր կայացած ասուլիսի ժամանակ ասաց ԱԺ «Ժառանգություն» խմբակցության ղեկավար Ռուբեն Հակոբյանը:

Նա պատմեց, որ Գեղարքունիքում հստակ զգացվել է, որ սցենար է մշակվել իրավիճակը սրելու համար: Ինչ վերաբերում է Սեւանի դեպքին, Ռուբեն Հակոբյանը նշեց, թե քրեական տարրին հավաքած քաղաքապետը ապատեղեկատվություն տարածեց, թե իբր ինքը Մարտունիում ու Գավառում ժողովրդին ասել է որ թուրք են եւ տղամարդ չեն:

«Երբ տեսել եմ, որ ժողովուրդը վախեցած մեզ է նայում ու ասում են, սրանք կեղծել են ընտրությունները, այս մարդիկ թույլ չեն տալիս, որ մենք մասնակցենք ձեր հավաքներին, ես ասել եմ` բոլոր նրանք, ովքեր կեղծել են ընտրությունները, ովքեր ահաբեկում են ժողովրդին, ովքեր եկել կանգնել էին հրապարակներում եւ թույլ չէին տալիս, որ ժողովուրդը մասնակցի մե հանրահավաքներին, դրանք մեր ներսի թուրքերն են: Որեւէ մեկին ես թուրք չեմ անվանել»,- իր խոսքերը վերահաստատեց Ռուբեն Հակոբյանը:

Այնուհետեւ բանախոսը մեջբերեց Նժդեհի խոսքերը, նշելով, թե քաղաքացուն նսեմացնողները մեր ազգի տականքներն են: Ռուբեն Հակոբյանը կրկնեց, որ թե' իշխանությունները, թե' ոստիկանությունը այդ քայլերի համար պետք է հետաքննություն անցկացնեն եւ մեղավորները պետք է պատասխանատվություն կրեն: Նա հերքեց նաեւ, թե իրեն ապտակել են: