Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Ովքեր իմ խոսքի մեջ երբեւէ անվստահություն են զգացել, այլեւս երբեք ոչ մի «задная скорость». Ազատության հրապարակում հրավիրված հանրահավաքի ժամանակ այսօր հայտարարեց Րաֆֆի Հովհաննիսյանը:
«Ժառանգություն» կուսակցության առաջնորդը հիշեցրեց եւս մեկ անգամ, որ 25 տարի առաջ` մեր ազգային զարթոնքի ամսվա վերջին օրը, Սումգայիթում մեր ժողովուրդը տվեց զոհերը` մարդիկ սպանվեցին հայ լինելու համար:
«Եվ քառորդ դար անց մենք հիշում ենք նրանց անուն առ անուն. ոչ ոք չի մոռացվել, եւ այսուհետեւ ով համարձակվեց ձեռք բարձրացնել հայ մարդու, հայ քաղաքացու վրա` լինի թշնամի, թե հայաստանցի, պատասխան է տալու»,- նախկինում բազմիցս արած իր այս հայտարարությունը վերահաստատեց Րաֆֆի Հովհաննիսյանը:
Այնուհետեւ նա հավաքված բազմությանը դիմեց մեկ րոպե լռությամբ սումգայիթյան ջարդերի անմեղ զոհերի հիշատակը հարգելու առաջարկով, ապա` շնորհավորեց բոլորին, ով ներկա էր Ազատության հրապարակում` մտավորական, արվեստագետ, բանվոր, մայրաքաղաքից, մարզերից եւ այլն, եւ ով այսօր գիտի, որ հայերը հաղթած ժողովուրդ են:
Րաֆֆի Հովհաննիսյանը վերահաստատեց նաեւ իր այն միտքը, որ 5 տարի ինքը պետք է անմնացորդ ծառայի ժողովրդին` Սահմանադրության ներքո, վերահաստատի քաղաքացիների իրավունքները, վերադարձնի բեղմնավոր գրիչը մտավորականին եւ այլն:
«Հինգ տարի հետո արտագաղթը պետք է գրվի պատմության դասագրքերում, պետք է լինի մեծ վերադարձ: Մենք այսօր միավորվել ենք մի դրոշակի ներքո»,- հայտարարեց Րաֆֆի Հովհհաննիսյանը: