Նորվեգացին ցանկացել է պայթեցնել խորհրդարանը

Նորվեգիայի մայրաքաղաք Օսլոյի ոստիկանությունը մի տղամարդու է ձերբակալել, որը սպառնացել է պայթեցնել երկրի խորհրդարանը. հայտնում է Росбалт-ը:

Այսօր առավոտյան խորհրդարանի շենքի մոտ խիստ հսկողություն է սահմանվել: Բանն այն է, որ երեկ երեկոյան ավտոբուսի վարորդը պատահաբար լսել է ուղևորներից մեկի խոսակցությունը: Նա շատ ագրեսիվ է տրամադրված եղել Նորվեգիայի իշխանությունների նկատմամբ և մտադրություն է հայտնել պայթեցնել խորհրդարանը: Ականատեսների խոսքերով` նրա հագին զրահաբաճկոն է եղել, ձեռքին` մեծ պայուսակ:

Ոստիկաններին հաջողվել է պարզել նրա բնակության վայրը: Այժմ նա ձերբակալված է: Տղամարդու բնակարանում զրահաբաճկոն և գազային ատրճանակ է հայտնաբերվել: