Ցանկացել են պայթեցնել "Եվրատեսիլի" հանդիսատեսին

Գերմանիայի Դյուսելդորֆ քաղաքում ձերբակալվել են երեք հոգու, ովքեր կասկածվում են ահաբեկչության նախապատրաստման մեջ:

Գերմանական ԶԼՄ-ներից մեկը տեղեկացրել է, որ Մարոկկոյից և Իրանից եկած երիտասարդներն իրենց մտադրությունը նախատեսել էին իրականացնել մայիսի 14-ին` «Եվրատեսիլ-2011»-ի եզրափակիչ համերգի օրը, երբ դահլիճում հավաքված կլինի ավելի քան 24.000 հանդիսատես:

Գերմանիայի Դաշնության գլխավոր դատախազ Ռայներ Գրիսբաումը հայտարարել է, որ խուզարկության ժամանակ երիտասարդների մոտից հայտնաբերվել է մեծ քանակությամբ պայթուցիկ:

Նախաքննությունը պարզել է նաև, որ գրոհայինները դիվերսիոն ուսումնառությունը ստացել են պակիստանյան ճամբարներում: