Այլիսլիի ականջի համար պարգեւ են սահմանել

Ադրբեջանի «Ժամանակակից մուսավաթ» կուսակցությունը  որոշել է դրամական պարգև տալ նրան, ով կկտրի աղմկահարույց «Քարե երազներ» գրքի հեղինակ Աքրամ Այլիսլիի ականջը. հայտնում է Contact.az-ը:

Կուսակցության ներկայացուցիչը հայտնել է, որ դրա իրագործումը հանձնարարված է անդամներից մեկին, որը, որպես պարգևավճար, կստանա տասը հազար մանաթ:

Հիշեցնենք, որ իր գրքի համար Այլիսլիին զրկել էին ժողովրդական գրողի կոչումից և նախագահի թոշակից: 

«Քարե երազներ» ստեղծագործությունը նվիրված է Ադրբեջանական ԽՍՀ-ում բնակված հայերին: Նախաբանում գրված է. «Նվիրվում է իմ երկրացիների հիշատակին, որոնք իրենցից հետո թողեցին անարցունք մնացած ցավ»: Վեպում զուգահեռներ են տարվում 1919 թվականին Ագուլիսի հայերի ոչնչացման եւ Սումգայիթի ու Բաքվի կոտորածների միջեւ: