Հովհ. Գրիգորյանին կհուղարկավորեն Երևանի քաղաքային պանթեոնում

Փետրվարի 7-ին կյանքի 68-րդ տարում, երկարատև հիվանդությունից հետո, վախճանվեց անվանի բանաստեղծ, հրապարակախոս և թարգմանիչ, ՀՀ պետական մրցանակի դափնեկիր, Մովսես Խորենացի մեդալակիր, ՀԳՄ վարչության քարտուղար Հովհաննես Երվանդի Գրիգորյանը:

Հովհաննես Գրիգորյանի քաղաքացիական հոգեհանգիստը տեղի կունենա փետրվարի 8-ին` ժամը 18:00-ին, Երևան, Ավան, Թումանյան թաղ., շենք 10, բն. 11 հասցեում: Վերջին հրաժեշտը՝ փետրվարի 9-ին՝ ժամը 12:00-14:00, Կամերային երաժշտության տանը: Հուղարկավորությունը՝ ժամը 14:00-ին, Երևանի քաղաքային պանթեոնում:

Ի դեպ, մի շարք գրողներ, գրականագետներ, մշակույթի գործիչներ բաց նամակով դիմել էին ՀՀ նախագահ Սերժ Սարգսյանին` խնդրանքով, որ Հովհաննես Գրիգորյանի հուղարկավորությունը կատարվի Կոմիտասի անվան այգու պանթեոնում: