Գերմանիայի կրթության և գիտության նախարարին զրկել են գիտական աստիճանից

Դյուսելդորֆի Հենրիխ Հայնեի անվան համալսարանի փիլիսոփայության ֆակուլտետի խորհուրդը անվավեր է ճանաչել Գերմանիայի կրթության և գիտության նախարար Անետա Շավանի թեկնածուական ատենախոսությունը և զրկել նրան գիտական աստիճանից. գրում է Lenta.ru-ն:

Նախարարը 4 օր ունի` որոշումը բողոքարկելու համար: Նախկինում նա հերքում էր իր հասցեին հնչած մեղադրանքները` կապված ատենախոսության կրկնօրինակման հետ: 

«Անձը և խիղճը» թեմայով ատենախոսությունը նախարարը պաշտպանել է 1980 թվականին: 2012թ. համացանցում տեղեկություններ տարածվեցին, թե դա կրկնօրինակում է մեկ այլ ատենախոսություն: Դա պարզելու համար ստեղծվել էր հատուկ հանձնաժողով, որն էլ հաստատեց մեղադրանքները: