Վրաստանի «Ազատության ինստիտուտը» պահանջում է Իվանիշվիլիին զրկել գիտական աստիճանից

Վրաստանի «Ազատության ինստիտուտը» պահանջում է իշխող կուսակցության առաջնորդ Բիձինա Իվանիշվիլիին  զրկել գիտական աստիճանից, հայտնում է «Ալիք Մեդիան»:

Շարժման կողմից տարածված հայտարարությունում ասվում է, որ «Ազատության ինստիտուտի» ձեռքի տակ Բիձինա Իվանիշվիլիի ատենախոսությունն է, որը չի համապատասխանում ակադեմիական չափանիշներին:

Կազմակերպությունը դիմել է Վրաստանի կրթության որակի բարձրացման ազգային կենտրոնին՝ ստուգել Իվանիշվիլիի աշխատության՝ ընդունված չափանիշներին համապատասխանելու փաստը ու համապատասխան օրենքով սահմանված կարգով զրկել «անհամապատասխան գիտական աստիճանից»։

Հիշեցնենք՝ 2006-ին Վրաստանի կրթության նախարարության փորձագիտական խորհուրդը Բիձինա Իվանիշվիլիին պատվավոր դոկտորական աստիճան է շնորհել տնտեսության, գիտության, մշակույթի, արվեստի ոլորտներում հատուկ ծառայությունների համար։