Հայրիկյանի մահափորձն ուղղված է իմ դեմ. Րաֆֆի Հովհաննիսյան

Այս պահին վիրահատում են ԱԻՄ ղեկավար, ՀՀ նախագահի թեկնածու Պարույր Հայրիկյանին:

Քիչ առաջ նրա մոտից դուրս եկավ «Ժառանգություն» կուսակցության ղեկավար, ՀՀ նախագահի թեկնածու Րաֆֆի Հովհաննիսյանը: Նա լրագրողների հետ զրույցում հույս հայտնեց, որ Հայրիկյանի վիրահատությունը նորմալ կընթանա:

«Հայրիկյանն իմ ընկերն է, ուսուցիչը, և ես ցավում եմ այս դեպքի համար: Ինչ-որ մեկը չի ցանկանում, որ ՀՀ պատմության մեջ առաջին անգամ նորմալ ընտրություններ ունենայինք, ինչ-որ մեկը չի ցանկանում, որ դե յուրե պետություն ունենայինք»,- ասաց Հովհաննիսյանը` հավելելով, որ ինքը պատրաստ է սպասել այնքան` մինչև Հայրիկյանը կազդուրվի և կարողանա շարունակել քարոզարշավը:

Րաֆֆի Հովհաննիսյանն ընդգծեց, որ սա ուղղված է ժողովրդի և հենց իր դեմ: