Ադրբեջանում ստեղծվել է համասեռամոլների պաշտպանության ալյանս

Ադրբեջանում ստեղծվել է համասեռամոլների իրավունքների պաշտպանության ալյանս, կոչվում է «Նեֆես»: Այդ հասարակական կազմակերպության մամուլի հաղորդագրության մեջ նշվում է, որ իրենք պաշտպանեու են այդ կատեգորիայի մարդկանց իրավունքները, օգնելու են հոգեբանական եւ բժշկական օգնություն ստանալ. տեղեկացնում է contact.az-ը:

Ալյանսը մտադիր է համագործակցել միջազգային եւ տեղական իրավապաշտպան կազմակերպությունների հետ:

Հատուկ նշվում է, որ Ադրբեջանի օրենսդրությունը նախատեսում է համասեռամոլների պաշտպանություն հետապնդումներից, սակայն այն չի գործում, եւ այդ մարդիկ խտրական վերաբերմունքի են հանդիպում. նրանց հետապնդում են դպրոցներում, աշխատավայրերում, ընտանիքներում, ինչը հանգեցնում է նույնիսկ ինքնասպանության: Որպես ելք` ալյանսն առաջարկում է բարեփոխել օրենսդրությունը: