Լուկաշենկոն ափսոսում է համասեռամոլների մասին վատ արտահայտվելու համար

Բելառուսի նախագահ Ալեքսանդր Լուկաշենկոն ափսոսում է, որ բացասական է արտահայտվել համասեռամոլների մասին` Գերմանիայի արտգործնախարար Գիդո Վեստերվելի հետ հանդիպման ժամանակ:

Ըստ Gazeta.ru-ի` Լուկաշենկան այդ հանդիպման ժամանակ ասել էր, թե զզվում է գեյերից եւ նրանց մեծ հաճույքով «սովխոզները կքշեր»: Եվ սա այն դեպքում, որ Վեստերվելը չի թաքցնում իր համասեռամոլ լինելը եւ նույնիսկ 2010 թվականին օրինականացրել է հարաբերություններն իր զուգընկերոջ հետ:

«Մինչեւ հիմա զարմանում են, թե ինչպես լեզուս պտտվեց` նման բան ասել»,- ասել է Լուկաշենկոն ու նշել, թե, միեւնույն է, գեյերին չի սիրում:

Լրագրողների հետ հանդիպման ժամանակ Լուկաշենկոն ասել է, թե պատրաստվում է մինչեւ 90 տարեկան ապրել (այժմ 57 տարեկան է). «Մի' անհանգստացեք, ես ինձ լավ եմ զգում եւ դեռ ապրելու քիչ ժամանակ չունեմ: ...Կարծում եմ, որ առնվազն մինչեւ 90 տարեկան ապրելու եմ: Պետք է ապրել եւ մտածել, թե որտեղ փող վաստակել»:

Լուկաշենկոն հերքել է նաեւ այն լուրերը, թե ԵՄ-ն պատրաստվում է իրեն 9 միլիարդ դոլար վճարել` քաղբանտարկյալներին ազատ արձակելու համար: