Կիրո Մանոյանն ամփոփում է ՀՀ արտաքին քաղաքականությունը

2012-ին մեր երկրին շահագրգռող բազմաթիվ իրադարձություններ տեղի ունեցան, որոնց մի մասը նորմալ  էր, մյուս մասը` ոչ. լրագրողների հետ հանդիպման ժամանակ ասաց  ՀՅԴ Հայ դատի եւ քաղաքական հարցերի գրասենյակի պատասխանատու Կիրո Մանոյանը` խոսելով անցնող տարվա ՀՀ արտաքին քաղաքականության մասին:

Ըստ նրա` այս տարի նկատելի էր հստակ քաղաքականության բացակայություն, իսկ արտաքին քաղաքականություն, կարելի է ասել, չենք ունեցել: «Ինչպես նախորդ, այնպես էլ այս տարվա ընթացքում նկատելի էր ադրբեջանցիների հակահայկական քաղաքականությունը»,- ասաց Մանոյանը և հավելեց, որ մենք ավելի շատ փորձում էինք դրան հակադարձել, քան ինչ-որ քայլ կատարել:

Նրա խոսերով` հայ-թուրքական  հարաբերություններում ևս որևէ փոփոխություն չի նկատվել, քանի որ մեր իշխանությունները քաղաքականության ղեկը թողել են թուրքերին, ինչը մեր երկրի շահերից չի բխում:

Ինչ վերաբերում է Հայաստան-Իրան հարաբերություններին, դրանք շարունակում են կարևոր մնալ, հատկապես` առևտրատնտեսական տեսանկյունից:

Մանոյանի կարծիքով` մեր արտաքին քաղաքակոնւթյան հարցում շատ բան կախված է դեսպաններից: «Նրանցից ոմանք բուռն գործունեություն են ծավալում, ոմանք, ընդհակառակը, իրենց դիրքն օգտագործում են անձնական շահերի համար»,- եզրափակեց նա: