Մեներգիչները հակված են շուտ մահանալուն

Լիվերպուլի համալսարանի գիտնականներն անսովոր հետազոտություն են կատարել փոփ և ռոք երգիչների շրջանում և պարզել, որ հայտնի մենակատարները երկու անգամ ավելի շատ են մահանում վաղ տարիքում, քան, օրինակ, խմբերի անդամները. գրում է The Telegraph-ը:

Գիտնականները ուսումնասիրել են 1956-2006թթ. մահացած մոտ 1500 եվրոպացի և ամերիկացի երգիչների, որից էլ հանգել են եզրակացության, որ մարդիկ, ովքեր եղել են խմբերում, հակված չեն եղել մենության, ռիսկային վարքի, ինչպես, օրինակ, թմրանյութերի օգտագործումն է:

Հետազոտությամբ արձանագրվել է, որ ամերիկացիների շրջանում երիտասարդ տարիքում մահացած երգիչների միջին տարիքը կազմել է 45, եվրոպացիներինը` 39: Ընդ որում` նրանցից կեսը ալկոհոլի կամ թմրայնութերի չարաշահումից են մահացել: