Սոցիալիստ թեկնածուն ֆինանսական օգնություն է հայցում ՀՀԿ-ից

«Ժամանակի էություն» անվանումով սոցիալիստական շարժման կոորդինատոր Ռոբերտ Ահարոնյանը առաջադրելու է իր թեկնածությունն առաջիկա նախագահական ընտրություններում' խոստանալով ստեղծել ԽԱՀՄ 2: Սակայն իր ընտրագրավը վճարելու համար նա օգնություն է հայցում Հանրապետականներից:

Լրագրողների հետ հանդիպման ժամանակ նա կոչ արեց ՀՀԿ ներկայացուցիչներին, որ եթե իրենք պատրաստ են և համոզված են , որ կապիտալիրզմը հաղթելու է սոցիալիզմին, օգնեն  սոցիալիստական թեկնածուին առաջադրվել, միաժամանակ նշելով, որ արդար պայքարում ինքն անպայման հաղթելու է և հավաքելու է ընտրողների ձայների 70 %-ը:Եթե Հանրապետականները չհամաձայնեն ընդունել իր առաջարկը, ապա հոգեպես պարտություն կկրեն:

Ի դեպ նա անկեղծացավ, որ նախորդ ընտրություններում քվեարակել է Սերժ Սարգսյանի օգտին, քանի որ նրա քաղաքականությունը ռուսամետ է, ինչին և ձգտում է ինքը:

Yerkir.am-ի հարցին, իսկ ինչու՞ այս ընտրություններում չի ցանկանում կրկին իր  ձայնը տալ գործող նախագահին , փոխարենը նրանից ընտրագրավ է խնդրում,-Ահարոնյանը պատասխանեց.
«Ես սպասում էի սոցիալիստ թեկնածուի առաջադրմանը, սակայն դա չեղավ ես որոշեցի լինել առաջինը և հաղթել»,-ասաց նա և հավելեց, որ պատրաստ է համագործակցել ՀՅԴ-ի , Կումկուսի, Առաջադիմական միացյալ կոմունիստական կուսակցության հետ: