Հայկական երկու կազմակերպություններ` ԱՄՆ էթնոլոբբիստական ազդեցիկ կազմակերպությունների տասնյակում

ՀՅԴ Ամերիկայի Հայ Դատի հանձնախումբը եւ Ամերիկայի հայկական համագումարը ընդգրկվել են ԱՄՆ էթնոլոբբիստական ամենաազդեցիկ կազմակերպությունների տասնյակում:

Business Pundit պարբերականի եւ  American Politics Research կազմակերպության կողմից կազմված վարկանիշային սանղակով Ամերիկայի Հայ Դատի հանձնախուբը համարվում է ԱՄՆ-ում երկրորդ ազդեցիկ էթնոլոբբիստական կազմակերպությունը:   Հանձնախմբին անջակցում են այնպիսի անվանի գործիչներ, ինչպիսիք են նախագահի թեկնածուներ Ռոբերտ Դոուլն ու Ջոն Քերին, Սպիտակ տան բազմաթիվ բարձրաստիճան պաշտոնյաները եւս կապեր ունեն կոմիտեի հետ: Հայ դատի հանձնախումբը վերահսկում է Կոնգրեսի Հայկական հարցերով խմբի աշխատանքները, նրա գործունեության շնորհիվ ԱՄՆ-ը անհատույց օգնություն է տրամադրում ոչ միայն Հայաստանին, այլեւ Լեռնային Ղարաբաղին:

Ամերիկայի հայկական համագումարը նույնպես իր գործունեությամբ նպաստել է հայկական հարցերի վերաբերյալ հանրության իրազեկմանը, ամերիկահայերի մասնակցությանը ժողովրդավարական գործընթացներին, Հայաստանում եւ Լեռնային Ղարաբաղում զարգացման ծրագրերի իրականացմանը, ԱՄՆ-Արցախ հարաբերությունների ամրապնդմանը: Կազմակերպությունը ֆինանսական մեծ ռեսուրսներ, ակադեմիական կենտրոններ ունի: