ՀՀԿ-ի խորհուրդը ԲՀԿ-ին

ԱԺ ՀՀԿ խմբակցության պատգամավոր Համլետ Հարությունյանն այսօր լրագրողների հետ հանդիպման ժամանակ անդրադարձել է ԲՀԿ-ական պատգամավոր Վարդան Բոստանջյանի հայտարարությանը, թե հավասար պայմանների ապահովման դեպքում ԲՀԿ-ն ընտրություններում ավելի շատ ձայներ կստանա: 

 Պատգամավորը խորհուրդ տվեց «մինչև առուն անցնելը հոպ չասել»:

«Իհարկե, բոլոր կուսակցությունների ներկայացուցիչները փորձում են իրենց կուսակցությունն ահազդու ներկայացնել, բայց պետք է մի քիչ համեստ լինել ու ժամանակավրեպ, ամպագոռգոռ հայտարարություններ չանել»,- ասաց հանրապետական պատգամավորը` նաեւ կրկնելով կրտսեր գործընկերոջ` Էդուարդ Շարմազանովի խոսքերը` Վարդան Բոստանջյանի հումորը հարգելու մասին:

Անդրադառնալով  Բոստանջյանին` Համլետ Հարությունյանը ասաց, որ ինքը պատրաստվում է ավելի «խոր ու բովանդակային» զրույց ունենալ նրա հետ: «Բոստանջյանի նկատմամբ շատ մեծ հարգանք ունեմ, բայց չի կարելի նման հայտարարություններ անել: Ու դա ասում է կոալիցիոն գործընկերը: Մենք ուղղակի նախապատրաստվում ենք ընտրություններին»,- ասաց նա: