ԱՄՆ-ը Իսրայելին 55 հատուկ է ռումբ է տվել

Այս տարվա սեպտեմբերին ԱՄՆ-ը գաղտնի Իսրայելին 55 հատուկ է ռումբ է տվել, որոնք նախատեսված են ստորգետնյա բունկերների ոչնչացման համար. տեղեկացնում է mignews.com-ը` վկայակոչելով Ֆրանսիայի հետախուզական ծառայությունների անանուն աղբյուր:

Մոտ 1 տոննա կշռով ռումբերն ընդունակ են ծակել ստորգետնյա կառույցների զրահապատ տանիքները եւ ներսում հրդեհ առաջացնել: Ֆրանսիացի հետախույզների կարծիքով` ռումբերն ուղղվելու են Իրանի միջուկային օբյեկտների դեմ:

Միաժամանակ ԱՄՆ-ը Իսրայելից պահանջում է առանց իրենց հետ խորհրդակցելու ռազմական գործողություններ չիրականացնել Իսլամական Հանրապետության դեմ: Այս փուլում ԱՄՆ-ը եւ Մեծ Բրիտանիան ցանկանում են խստացնել Իրանի նկատմամբ պատժամիջոցները:

Ի դեպ, Իրանն էլ սպառնում է պատասխան հարվածներ հասցնել իսրայելական միջուկային օբյեկտներին: «Եթե Իսրայելը համարձակվի հարձակվել մեզ վրա, ի պատասխան մենք կջնջենք այն երկրի երեսից: Եվ մեր պատասխանը չի սահմանափակվի մերձավորարեւելյան տարածաշրջանով»,- հայտարարել է Իրանի բանակի գլխավոր շտաբի պետ Մասուդ Ջազաերին: