Բեռլուսկոնին հնարավոր է առաջիկա ժամերին հրաժարական տա

Իտալիայի վարչապետ Սիլվիո Բեռլուսկոնին մինչեւ օրվա վերջը կարող է հայտարարել իր հրաժարականի մասին: Այս մասին լրագրողներին հայտնել է Բեռլուսկոնիի շրջապատին մոտ կանգնած աղբյուր: Նորությունը միջազգային բորսաներում մեծ իրարանցում է առաջացրել:

Ըստ Reuters-ի` իտալական Fogilo թերթի խմբագիր Ջիլիանո Ֆերարան իր կայքում գրել է, որ Բեռլուսկոնիի հրաժարականի հարցը կարող է լուծվել առաջիկա ժամերի, նույնիսկ րոպեների ընթացքում:

Իսկ Libero թերթի տնօրեն  Ֆրանկո Բեկիսը Twitter-ում գրել է, որ Բեռլուսկոնին պաշտոնից հեռանալու մասին կհայտարարի կամ այսօր երեկոյան կամ վաղը առավոտյան:

Վերջին օրերին Հռոմում բողոքի ցույցեր են կազմակերպվել Բեռլուսկոնիի վարած քաղաքականության դեմ: Ցույցերին մասնակցել են տասնյակհազարավոր մարդիկ: