Թուրքիան արտաքսում է 200 անլեգալների

Թուրքիան արտաքսում է Վրաստանի 150 քաղաքացիների, որոնք անլեգալ աշխատում էին երկրի տարածքում. տեղեկացնում է apsny.ge-ն:

Թուրքիայում Վրաստանի հյուպատոսությունում լրագրողներին հայտնել են, որ բոլորը ձերբակալվել են անօրինական միգրանտներին հայտնաբերելու` երեկ իրականացված գործողության ժամանակ: 80 հոգի արդեն երեկ ուղարկվել է Վրաստան, մյուսներին կարտաքսեն այսօր:

Ի դեպ, ձերբակալվածները ոչ միայն անլեգալ բանվորներ են, այլեւ գործատուներ, որոնք Վրաստանի տարածքում թրաֆիկինգով են զբաղվել:

Թուրքական իրավապահ մարմինների իրականացրած հատուկ գործողության արդյունքում ձերբակալվել է, ընդհանուր առմամբ, 200 մարդ` տարբեր երկրների քաղաքացիներ, որոնցից 150-ը, փաստորեն, Վրաստանի քաղաքացիներ են:

Հայաստանի քաղաքացիների մասին առայժմ տեղեկություն չկա: