Սպասում ենք Թուրքիային

Թուրքիայի հետ հարաբերությունները կարգավորելու համար Հայաստանն արել է ամեն ինչ, այժմ միջազգային հանրությունը սպասում է Թուրքիայի գործողություններին. այսօր լրագրողների հետ հանդիպման ժամանակ ասաց քաղաքագետ Ռիչարդ Կիրակոսյանը

Ըստ նրա` ներկայումս Հայաստանն ավելի ուժեղ դիրքերում է, քանի որ թե' Ռուսաստանը, թե' Արեւմուտքը աջակցում են ՀՀ-ին ե'ւ հայ-թուրքական, ե'ւ հայ-ադրբեջանական հիմնախնդիրների դեպքում:

«Կազանում Ադրբեջանն իր սխալ հաշվարկների պատճառով չկարողացավ արդարացնել Մինսկի խմբի սպասումները, ինչը Հայաստանի դիրքերը ԼՂ հարցում ավելի ամրապնդեց»,- ասաց քաղաքագետը` հավելելով, որ հայաստանյան իշխանությունները պետք է  պահպանեն ռազմավարական այս առավելությունը եւ օգտվեն դրանից` լինելով ոչ միայն պատասխանող, այլեւ նախաձեռնող կողմ:

Քաղաքագետն անդրադարձավ նաեւ  ՀՀ նախագահի` Վանում տեղի ունեցած երկրաշարժի հետեւանքները վերացնելու նպատակով մարդասիրական օգնություն տրամադրելու առաջարկությանը, սակայն նշեց, որ չի տիրապետում մանրամասներին` արդյո՞ք Հայաստանը պաշտոնապես օգնության խնդրանք ստացե՞լ է, թե՞ ոչ: