Կանգնած բողոքողներն ինչի են հասնում, որ պառկածներն ինչ անեն

Այսօր կառավարության շենքի դիմաց բողոքի էր եկել նաեւ բոլոր բողոքի ցույցերին  պայքարի յուրահատուկ մեթոդներով հայտնի Վարդգես Գասպարին:

Նրան նախորդ անգամ կառավարության շենքի դիմաց պառկելու համար տարել էին. օրերս էին միայն 800 հազար դրամ գրավի դիմաց բաց թողել:

Երբ ոստիկանները բոլոր քաղաքացիներիս նման նրան եւս թույլ չտվեցին հատել փողոցն ու պառկել կառավարության շենքի դիմաց, իր հայտնի մեթոդը նա իրագործեց հենց տեղում` Տիգրան Մեծի պողոտայում:

Մի տատիկ անընդհատ համոզում էր, թե` «մեղք ես, էս անձրեւին կմեռնես», կողքից էլ «թասիբի» էին գցում, թե` «չի մեռնի, ինքը շատ դիմացկուն ա»: Մեկն էլ մոտեցավ ու էլի համոզեց Գասպարիին, որ ոչ միայն կանգնի, այլեւ հեռանա` ասելով. «Հլա կայնի էն գրավիդ փողը տանք, նոր պառկի»: