"Կաֆետին" դեղից պատրաստում էր թմրամիջոց

Հոկտեմբերի 24-ին` ժամը 20.00-ին, ՀՀ ոստիկանության աշխատակիցները զննություն են կատարել Սպիտակի Ս. Ավետիսյան փողոցի թիվ 35 հասցեի տան հետնամասի դաշտում գտնվող չբնակեցված վագոն-տնակում:

Տնակից հայտնաբերվել և առգրավվել են 1 լ տարողությամբ տարա` կիսով չափ լցված դեղնավուն հեղուկով, «Կաֆետին» տեսակի դեղահաբի դատարկ տուփ, 250 գ տարողությամբ տարայով բժշկական սպիրտ, 10 մլ տարողությամբ 6 ներարկիչ և 15 մլ տարողությամբ 4 ներարկիչ, շագանակադարչնագույն նյութով ներծծված բամբակե խծուծներ, կաթսա և բաժակ:

Պարզվել է, որ տնակում գտնվող 46-ամյա Արմեն Հ.-ն անձամբ օգտագործելու նպատակով նշված տնակում «Կաֆետին» տեսակի դեղահաբերից պատրաստել է թմրամիջոց:

Հայտնաբերվածն ուղարկվել է փորձաքննության: Արմեն Հ.-ի նկատմամբ նշանակվել է տոքսիկաքիմիական փորձաքննություն: Կատարվում է հետաքննություն: