Թե ինչո՞ւ գովազդային վահանակներն ապամոնտաժվեցին

Գովազդային վահանակների ապամոնտաժումն իրականացվել է ոչ թե քաղաքի տեսքի բարելավման, այլ այդ բիզնեսը ուրիշ մեկին փոխանցելու համար. լրագրողների հետ հանդիպման ժամանակ ասաց ՀԱԿ անդամ Վահագն Խաչատրյանը:

«Ես համոզված չեմ, որ քաղաքապետը դա արել է Երեւանի արտաքին տեսքի բարելավման առումով: Ես համոզված եմ, որ նա դա արել է ուրիշներին այդ բնագավառում մենաշնորհներ տալու համար»,- հայտարարեց նա` հավելելով, որ քաղաքապետը լավ կանի, եթե կրպակներն ու գովազդային վահանակները ապամոնտաժելու փոխարեն փորձի լուծել քաղաքի աղտոտվածության հարցը:

«Ինձ համար` որպես երեւանցու, խնդիր է այն, որ ես աղբն եմ շատ տեսնում, հին Երեւանը չեմ տեսնում»,- ասաց Վ. Խաչատրյանը: