Նոր գովազդային փաթեթ` Ռուբեն Հայրապետյանից

ԱԺ պատգամավոր և ՀՖՖ նախագահ  Ռուբեն Հայրապետյանն այսօր  մամուլի ասուլիսում պարզաբանեց, թե որոնք են հայհոյանքի լավ կողմերը:

«Հայկական ժամանակի» լրագրողին Հայրապետյանն առաջարկել էր հղիանալ իր որդուց: Լրագրողի այն հարցին, թե պատգամավորը, հայհոյելու և դատի տալու սովորություն ունենալով, մտավախություն չունի, որ իրեն էլ դատի կտան անվայել արտահայտությունների համար, պատասխանեց. «Բա դա հայհոյել է: Առողջ գենետիկ ֆոնդով երեխա կունենա: Ես միշտ հարգանքով եմ վերաբերվել լրագրողներին, եթե նրանք հարգանքով են վերաբերվել ինձ»:

«Հետքի» լրագրողին սեռական բնույթի հայհոյանքներ տալու կապակցությամբ էլ ասաց, որ իրեն թվացել է, թե հեռախոսն անջատված է, ինքն իր համար խոսել է, իսկ լրագրողը լսել է:

Եվ առաջարկեց լրագրողին. «Կոկա-Կոլա խմիր և թարմացիր»: