Դավութօղլուն ընդունել է սիրիացի ընդդիմադիրներին

Թուրքիայի արտգործնախարար Ահմեդ Դավութօղլուն երեկ ընդունել է Սիրիայի ընդդիմության` «Սիրիայի ազգային խորհուրդի» ներկայացուցիչներին:

Սիրիացի ընդդիմադիրները նախ Կահիրեում հանդիպում են ունեցել Արաբական պետությունների լիգայի ներկայացուցիչների հետ, այնուհետ ժամանել են Անկարա:

Թուրքական «Միլլիեթը», հղում անելով դիվանագիտական աղբյուրների, նշում է, թե  Արաբական պետությունների լիգայում ունեցած հանդիպումից հետո գլխավոր քարտուղար Նեբիլ ալ Արաբին զանգահարել է Դավութօղլուին եւ տեղեկացրել հանդիպման արդյունքների մասին:

Ընդդիմադիրների հետ հանդիպման ժամանակ Դավութօղլուն նշել է, թե Սիրիայի ապագան սիրիացի ժողովրդի ձեռքում է, եւ անհրաժեշտ համարել, որ սիրիացի ընդդիմադիրների աշխատանքն ուղղված լինի երկրում խաղաղ ճանապարհով ժողովրդավարություն հաստատելուն: