Տիկնիկային թատրոնի շունչը` Սոչիում

Սոչիում հոկտեմբերի 13-19-ը կանցկացվի տիկնիկային թատրոնների փառատոն, որ առաջին անգամ է անցկացվում այդ քաղաքում. Սոչիից yerkir.am-ին տեղեկացրեց Հովհաննես Թումանյանի անվան պետական տիկնիկային թատրոնի գեղարվեստական ղեկավար եւ տնօրեն Ռուբեն Բաբայանը:

Փառատոնը մրցութային է: Դրան մասնակցում են Ռուսաստանի, Ուկրանիայի, Վրաստանի, Ռումինիայի, Հունաստանի, Մոլդովայի լավագույն տիկնիկային թատրոնները. յուրաքանչյուր երկիր մեկ լավագույն ներկայացում է ցուցադրում:

«Հայաստանը կներկայացնի Զարուհի Անտոնյանի «Ամպից ընկած հեքիաթ» ներկայացումը»,- ասաց Բաբայանը` հավելելով, որ այն արդեն արժանացել է Պլովդիվի Կամերային ներկայացումների միջազգային փառատոնի նախագահական մրցնակին և ներկայացվել է «Ոսկե դիմակ» փառատոնի «Մասկա Պլյուս» ծրագրում: