ԺՈՂՈՎՈՒՐԴ. Խախտում են իրենց իսկ որոշումը

ՀՀ կառավարության որոշմամբ` էկոնոմիկայի նախարարությանը 15 մլն դրամ է տրամադրվել` Եվրոպական միության հետ իրականացվող համագործակցության շրջանակներում բարեփոխումների ռազմավարությունից բխող ծրագրերը մշակելու համար:

«Ժողովուրդ»-ը տեղեկացավ, որ նախատեսված գումարը դրամաշնորհային պայմանագրի հիման վրա տրամադրվելու է «Ալֆա պլյուս քոնսալթինգ» խորհրդատվական ընկերությանը` այդ ծրագրերը մշակելու նպատակով: Դժվար չէ գուշակել, որ այդ ոլորտում լուրջ գումարներ են լվացվում: Եվ հենց այդ փաստը հաշվի առնելով էլ` ամիսներ առաջ կառավարությունը ՎՊ ուսումնասիրությունների հիման վրա հայտարարել էր խորհրդատվակլան ծրագրերը կրճատելու, այդ ուղղությամբ գումարներ նվազեցնելու մասին:

Փաստորեն, մի կողմից իշխանությունները հայտարարում են խորհրդատվության վրա քիչ գումարներ ծախսելու անհրաժեշտության մասին, մյուս կողմից` խախտում իրենց իսկ որոշումը: