Կրծքագեղձի հեռացում և կրծքի վերականգնում. ՀՀ-ում կատարվել է առաջին «երկուսը մեկում» վիրահատությունը

Հայաստանում առաջին անգամ կատարվել է կրծքագեղձի հեռացման և միաժամանակ կրծքի վերականգնման վիրահատություն: Այսօր լրագրողների հետ հանդիպմանը այս մասին հայտնեցին ամերկաբնակ պլաստիկ վիրաբույժ, պրոֆեսոր Արթուր Սալիբյանն ու Հայ-ամերիկյան առողջության կենտրոնի վիրաբույժ-ուռուցքաբան Արմեն Քոչարյանը:

«Ոչ մի կին ուրախ չի լինում, երբ կուրխքը հեռացվում ք: Այժմ կինը վիրահատությունից հետո արթանանում է, տեսնում, որ չկա հիվանդությունը, և կրծքի ձևը պահպանված է»,- ասաց Ա. Քոչարյանը:

Բանախոսները նշեցին, որ այս դեպքում քաղցկեղով հիվանդ կրծքագեղձը հեռացնելուց հետո պլաստիկ վիրաբույժի կողմից տեղում ներդրվում է գելային իմպլանտ (պրոթեզ) և հիվանդի պտուկը և մաշկը պահպանելով  վերականգնում կրծքի ձևը:

Ա. Քոչարյանը նշեց, որ այս վիրահատությունները ներկայումս կատարվում են բարեգործական հիմունքներով, պրոֆեսոր Սալիբյանն իր հետ բերել է պրոթեզները, որոնք անվճար տեղադրվում են հիվանդների մոտ:

Իսկ թե ինչ կարող է արժենալ այս վիրահատությունը, ուռուցքաբանը հստակ ոչինչ չասաց, միայն նշեց, որ վիրահատությունը մատչելի է: Իսկ ներկայուսմ բարեգործական հիմքունքներով արվող վիրահատությունների դեպքում, հիվանդը ընդամնեը մի քանի հազար դրամ է վճարում ` ստուգումների համար:

Ա. Քոչարյանը նշեց, որ այս վիրահատության ժամանակ, թույլատրվում է նաև ճառագայթային և քիմաթերապիայի բուժում, որոնք ստանալուց հետո տեղադրված պրոթեզը փոխարինվում է վերջնականով:

Արթուր Սալիբյանը հայտնեց, որ իմպլանտը որևէ հակացուցում չունի և իր պրկատիկայում դրա հետ կապված խնդիրներ չեն առաջացել: Թեև, իհարկե, հետավիրահատական բարդություններ կարող են լինել, ինչպեսև մյուս բոլոր վիրահատությունների դեպքում է լինում:

Իսկ այն հարցին, թե արդյո՞ք հնարավոր չէ, որ կրծքագեղիձ հեռացումից հետո կինը դիմի պլաստիկ վիրաբույժին` կուրծքը վերականգնելու համար, Ա. Քոչարյանը նշեց, որ տարեկան կրծքագեղձի հեռացման մոտ 1000 վիրահատություն է կատարվում, սակայն պլաստիկ վիրաբույժին դիմում է մոտ 5-ը:

Այսինքն` այս դեպքում, ինչպես բանախոսները նշեցին, «գումարվում է երկու վիրահատություն». մեկ անգամ վիրահատական սեղանին պառկելով հիվանդը ենթարկվում է երկու վիրահատության: