Միայնություն, ալկոհոլ, մահ

Ալկոհոլից մահվան դեպքերն ավելի շատ են միայնակ մարդկանց, քան թե ընտանիք ունեցողների շրջանում: Այս համոզմանն են հանգել ֆին գիտնականները, որոնց ուսումնասիրությունները ցույց են տվել, որ ալկոհոլի չարաշահումից մահացածների 2/3-ը հիմնականում միայնակներ են:

Հոգեբանների կարծիքով` միայնությունը ալկոհոլային կախվածության գործոններից մեկն է, քանի որ մենակ ապրողներն այսկերպ են փորձում գունավորել իրենց կյանքը: Իսկ այստեղ նրանց ոչ ոք չի կարող վերահսկել: Սոցիոլոգները համոզված են` որքան ամուր են սոցիալական կապերը, այնքան քիչ է ալկոհոլից կախվածության վտանգը:

Դժբախտաբար, մասնագետները արձանագրում են հասարակության մեջ այդ կապերի տարեցտարի նվազումը: Թեեւ ընտանիք ունեն, բայց մարդիկ իրենց զգում են միայնակ: