Արշավինը Սանկտ Պետերբուրգում էլ է ալկոհոլ օգտագործել

Մարզական գործակալ  Վլադիմիր Աբրամովը, մեկնաբանելով համացանցում հայտնված` անգլիական «Արսենալի» կիսապաշտպան Անդրեյ Արշավինի հարբած լինելու փաստը, «Советский спорт» պարբերականին  ասել է.

«Այդ տեսագրությունը Ամերիկա չհայտնաբերեց: Ցավոք, Արշավինը չի փոխվել: Մենք գիտեինք, որ նա դեռ Սանկտ Պետերբուրգում հաճախ էր օգտագործում ալկոհոլ:  Ինձ նույնիսկ չզարմացրեց վերջերս Արսեն Վենգերի արտահայտած  կարծիքը, որ ինքը խնդիրներ չունի Անդրեյի հետ, քանի որ նա մարզումների ժամանակ անմնացորդ նվիրվածություն է ցուցաբերում եւ կարող է օրինակ հանդիսանալ մյուս ֆուտբոլիստների համար: Այստեղ, իհարկե, հակասություն չկա: Ֆուտբոլիստը, որ երեկ կարող էր հարբած լինել, հաջորդ օրը կարող է դուրս գալ դաշտ եւ ցուցադրել անմնացորդ  նվիրվածություն: Այն, ինչ մենք գիտենք Արշավինի մասին, չի բացառում, որ նա ահավոր աշխատասեր է մարզումների ժամանակ եւ դաշտում  ամբողջովին  նվիրվում է իր մասնագիտությանը»:

Հետաքրքիր է, որ 2009 թ. Արշավինը նկարահանվել է  առողջ ապրելակերպ քարոզող սոցիալական գովազդում, որում կոչ է անում հրաժարվել ալկոհոլային խմիչքների օգտագործումից: