Արտահանության կառուցվածքում 86 տոկոսը կազմել է նավթահումքը

Այս տարվա հունվար-օգոստոս ամիսներին Ադրբեջանի արտաքին առեւտրի դրական հաշվեմնացորդը, նախորդ տարվա նույն ժամանակաշրջանի համեմատ, ավելացել է 20 տոկոսով եւ կազմել 11,935 մլրդ դոլար:

Ընդհանուր առմամբ, նշված ժամանակաշրջանում Ադրբեջանի արտաքին առեւտրաշրջանառությունը կազմել Է 23,662 մլրդ դոլար, ըստ որում՝ արտահանության ծավալը հասել է 17,798 մլրդ դոլարի, ներմուծմանը՝  5,864 մլրդ դոլարի:

Արտահանության կառուցվածքում ավելի քան 86 տոկոսը բաժին է ընկել նավթահումքին, 5,35 տոկոսը՝ նավթամթերքին, 0,4 տոկոսը՝ քիմիական արդյունաբերությանը, 0,73 տոկոսը՝ բուսական ու կենդանական ծագման յուղերին:

Այդ ընթացքում Ադրբեջանը առեւտրական գործառնություններ է իրականացրել 146 երկրի հետ: Արտահանել է հիմնականում Իտալիա, Ֆրանսիա եւ ԱՄՆ, ներմուծել` Ռուսաստանից, Թուրքիայից եւ Գերմանիայից: