Շարունակվում է Ջեքսոնի գործով դատավարությունը

Շարունակվում է փոփի արքա Մայքլ Ջեքսոնի մահվան գործով դատավարությունը: Հաջորդ լսումը տեղի կունենա այս ամսվա վերջին, սակայն մինչ այդ նոր տեղեկություններ են ստացվել. Մայքլը կախվածություն է ունեցել զգայազրկիչ Propofol դեղամիջոցից:

Դիահերձման արդյունքները ցույց են տվել, որ 58-ամյա բժիշկ Մյուրեյը հենց այդ դեղն է ներարկել Ջեքսոնին նրա մահվանից մի քանի ժամ առաջ.  տեղեկացնում է  Daily Mirror-ը եւ հավելում, որ բժշկի փաստաբանները պատրաստվում են բողոքարկման: Նրանք հայտարարել է, որ Մյուրեյը չի հասկանում, թե ինչպես կարող էր Propofol-ը հայտնվել Մայքլի ստամոքսում:

Նախնական լսումները տեղի կունենան սեպտեմբերի 26-ին, ներկայումս աշխատանքներ են տարվում վկաների հետ: Դեղատան աշխատող Թիմ Լոպեսը հայտնել է, որ Մայքլ Ջեքսոնի մահվանից մի քանի օր առաջ ինքը մեծ քանակության Propofol է ուղարկել Մյուրեյի ընկերուհուն, որը հունիս ամսին` մինչ Մայքլի մահը, լքել է ԱՄՆ-ը: