Հյուրանոց` հանգուցյալների համար

Ճապոնական Յոկոգամա քաղաքի արվարձանում բացվել է Lastel անունով հաստատությունը, որը հյուրանոց է հանգուցյալների համար: Այնտեղ «համարավետ պայմաններում» միաժամանակ կարող են հանգրվանել 18 մահացած «այցելուներ»:

Մեկ օրվա գինը 120 հազար իեն է` 157 դոլար: Այդ գումարը վճարելով` հանգուցյալի հարազատները կարող են նրան թողնել համարում եւ հանգիստ սպասել քաղաքի` ծանրաբեռնված աշխատող դիահերձարաններում իրենց հերթին:

Ի դեպ, սիրահար զույգերին, որոնք Lastel-ը սովորական հյուրանոցի տեղ են դնում, աշխատակիցները նրբանկատորեն մերժում են` ասելով. «Մեզ մոտ միայն սառը համարներ են»:

Մահը Ճապոնիայում եկամտաբեր բիզնես է դարձել երկրում մահացության մեծ տեմպերի պատճառով: Կանխատեսումների համաձայն` այն իր գագաթնակետին կհասնի 2040 թվականին: Այդ ժամանակ ճապոնական կղզիների բնակչությունը կնվազի 20 միլիոնով. գրում է ТСН-ն:

Չնայած տնտեսական ճգնաժամին` ճապոնացիները հուղարկավորությունների վրա չեն տնտեսում. ծաղիկների, սափորների, դագաղների վրա ծախսում են մոտավորապես 1,2 մլն իեն (մոտ 16 հազար դոլար):