Օբամաները ճոխ են հանգստանում

ԱՄՆ առաջին տիկին Միշել Օբաման մեկ տարվա արձակուրդների վրա 10 միլիոն դոլար է ծախսել: Հանգստի ժամանակ 47-ամյա առաջին տիկինը բնակվում է բացառապես 5 աստղանի հյուրանոցներում և օգտվում թանկարժեք մերսումներից ու ալկոհոլից:

Առաջին տիկինն անցած մեկ տարվա ընթացքում ունեցել է 42-օրյա հանգիստ, այդ թվում՝ 375 հազար դոլար արժողությամբ արձակուրդներ Իսպանիայում, ինչպես նաև 4-օրյա հանգիստ Կոլորադոյում, որտեղ միայն հյուրանոցի մեկ գիշերն արժե 2 հազար դոլար: Բացի այդ, Միշելը սիրում է խմել թանկարժեք մարտինիներ, օղի և շամպայն. տեղեկացնում է The Daily Mail-ը:

Տիկին Օբաման նաև շատ է սիրում շոփինգ անել այն հանգստավայրերում, որտեղ լինում է: Ամերիկացիներին վրդովեցրել է այն փաստը, որ Մասաչուսեթս հանգստի մեկնելուց Օբաման և նրա ընտանիքը առանձին են գնացել՝ ընդամենը 4 ժամվա տարբերությամբ՝ ծախսելով ավելորդ գումար ինքնաթիռի վառելիքի, տոմսերի և ուղղաթիռ վարձելու վրա: