ՀՐԱՊԱՐԱԿ. Դուք էլ, ձեր ճոպանուղին էլ...

Անցած շաբաթ եւ կիրակի օրերին աշխարհի ամենաերկար` Տաթեւի ճոպանուղին չի աշխատել: Բազմաթիվ հյուրեր, որոնք հասել էին Տաթեւ, չեն կարողացել վայելել ճոպանուղին:

«Տաթեւի թեւեր» ճոպանուղու կառավարիչ Տիգրան Ղազարյանը դա հերթական անգամ բացատրում է եղանակային փոփոխություններով: Տնօրինությունը հրապարակավ ներողություն է խնդրում այցելուներից` անհարմարություններ պատճառելու համար:

Իսկ մինչեւ սեպտեմբերի 15-ը ճոպանուղին չի աշխատելու: Այն անցնում է աշնանային ռեժիմի, եւ կառավարման էլեկտրոնային ու մեխանիկական համակարգերը հարմարեցվելու են Սյունիքի եղանակային պայմաններին:

ԵՐԿԻՐ. Տարօրինակ է, որ այս մասին ոչ մի հայտարարություն, ոչ մի տեղեկատվություն չի հնչում, իշխանամետ հեռուստաընկերություններն էլ լռում են: Իսկ տուրիստները, կտրել-անցնելով այդքան երկար եւ դժվար ճանապարհ, հայտնվում են հուսահատ վիճակում: