Եղջերավոր անասունների պատճառով` 600 զոհ

Հարավային Սուդանում եղջերավոր անասունների համար երկու ցեղախմբերի միջեւ ծագած ընդհարումների հետեւանքով զոհվել է 600 մարդ, 985-ը վիրավոր են. France Presse գործակալությանը հայտնել է ՄԱԿ-ի ներկայացուցիչ Ֆարհան Հաքը:

Ընդհարումները սկսվել են օգոստոսի 18-ին Ջոնգլի նահանգում, երբ մուրլե ցեղախումբը հարձակվել է նուեր ցեղախմբի գյուղերի վրա: «Բանն այն է, որ նահանգի ցեղախմբերը երկար տարիներ պայքարում են միմյանց հետ, հիմնականում` անասունների համար»,- գործակալությանը պարզաբանել է նահագապետ Մանյանգա Ջուուկան:

Հիշեցնենք, որ Հարավային Սուդանն այս տարվա հուլիսի 9-ին հռչակել է իր անկախությունը եւ հուլիսի 14-ին դարձել ՄԱԿ-ի 193-րդ անդամը: Վերլուծաբանների կարծիքով` նորաստեղծ պետությունը չի կարող լիարժեքորեն կայանալ, քան դեռ չեն լուծվել տեղի ցեղախմբերի միջեւ առկա երկարամյա խնդիրները, որոնք հիմնականում կենցաղային են`կա'մ ընտանի կենդանիների, կա'մ կանանց առեւանգում: