կարևոր
3337 դիտում, 1 տարի առաջ - 2022-11-15 19:29
Հասարակություն

Գորիսում ադրբեջանական ագրեսիայի հետևանքով վնասված տների համար բնակիչներին փոխհատուցում է տրվել, բայց հափշտակված անասունների համար՝ ոչ

Գորիսում ադրբեջանական ագրեսիայի հետևանքով վնասված տների համար բնակիչներին փոխհատուցում է տրվել, բայց հափշտակված անասունների համար՝ ոչ

Սյունիքի մարզի Գորիս համայնքում սեպտեմբերին Ադրբեջանի սանձազերծած ագրեսիայի հետևանքով վնասված բնակարանների մեծ մասն արդեն վերականգնվել է:

Ինչպես ավելի վաղ «Փաստինֆո»-ն հայտնել էր, ադրբեջանական ագրեսիայի հետևանքով բնակիչների կրած նյութական վնասների չափերը մարզպետարանը գույքագրել և փոխանցել էր կառավարությանը:

«Փաստինֆո»-ի հետ զրույցում Գորիս համայնքի ղեկավարի տեղակալ Իրինա Յոլյանը հայտնեց, որ վնասված տների համար բնակիչներին փոխհատուցումն արդեն տրվել է ։

«Բոլոր այն տները, որոնք վնասվել էին, սեփականատերերը որպես փոխհատուցում գումարներ են ստացել, եւ այդ գումարով էլ վերականգնել են իրենց բնակարանները: Մեծ մասն արդեն վերականգնված է, կարծեմ, մեկ հոգի տանիքի հետ կապված դեռ աշխատանքներ ունի, դեռևս վերջնական չի ավարտել:

Քանի որ առջևում ձմեռ է, փորձել են մաքսիմալ արագ վերականգնել բնակարանները»,-ասաց Յոլյանը:

Ադրբեջանցիների հափշտակած անասունների համար, սակայն, գյուղացիները դեռևս փոխհատուցում չեն ստացել.

«Անասունների մասով դեռ նորություն չկա: Վերջերս ՏԿԵ նախարարն էլ ելույթ ունեցավ դրա մասին, բայց այս պահի դրությամբ դեռ փոխհատուցում չի եղել»,-ասաց Յոլյանը:

Աղբյուր` Փաստինֆո